Azkoagako auzotarrek deitu zuten kontzentrazioa korrika eta presaka, baina, hala ere, ia propaganda barik aramaioar asko batu ziren azken astean errepide mozketa dela-eta, jasaten ari diren arazoak salatzeko.
Aramaioarrek jakitera eman zuten "bide alternatiboan" aste baten 15 istripu izan direla eta hortik ibiltzea oso arriskutsua dela. Horrez gain, Zabola eta Azkoagako auzotarrek azaldu zuten euren auzoak zeharkatzen dituzten bidetxoetan izugarrizko auto eta kamioi zirkulazioa dutela eta ez direla lasai bizi.
Horrez gain, salatu zuten inork ez diela inongo informaziorik eman. "Lotsagarria" deritzote halako egoeran egotea; are gehiago, "AHTko arduradunek aurretik zekitenean mendixka hurak behera egingo zuela".