'Norbera zaindu besteak zaintzeko'. Horixe da erlaxazio ikastaroaren izenburua. Adineko pertsonak zaintzea neketsua izaten da, askotan, eta momentu gogorretan lasaitzen eta oreka lortzen irakastea du helburu ikastaroak.
Udaletxeko pleno aretoan egingo dute ikastaroa, ekainaren 2an, 4an eta 6an, 15:30ean hasita. Ikastaroa dohain da eta interasa dutenek Zuiako Koadrilako bulegoetara deitu beharko dute, 945 430 167 telefono zenbakira.
Adineko pertsona bat zaindu behar dutela-eta ikastarora joan ezin dutenek, izena ematerakoan adinekoei etxean laguntzeko zerbitzua eskatu dezakete dohain. Garraio zerbitzua eskatzeko aukera ere badago.