Hori dela-eta, ez dute errepidetik lurra erretiratu oraindik, lan hori egiteak arriskua areagotuko lukeelako. Errepideari nolabait eusteko, ondoko errekan harriak jartzen ari dira orain. Eta pitzadurak ixten ere ari dira, horietatik barrena urik sartu ez dadin.
Errepide horretan nahiz auzoz auzo doan bidean egiten dabiltzan lanak asteburuan ez etetea eskatu du Aramaioko Udalak.
Eta egoera hau auzoetan izaten dabilen eraginaren kontra protesta egiteko, Zabolako eta Azkoagako bizilagunek elkarretaratzea deitu dute domekarako: Azkoagako plazan izango da, 13:00etan.