Modu horretan salatu nahi dute Espainiako Epaitegi Gorenak Eusko Abertzale Ekintza legez kanpo uzteko udaletara bidalitako autoak, larriki urratzen duela udalen barne funtzionamendua eta autonomia.
Espainiako Epaitegi Gorenaren autoak dio, besteak beste, Eusko Abertzale Ekintzako zinegotziak zirenek, bakarka lan egin behar dutela udaletan eta ezin direla talde mistora pasa. Bada, errekurtso honekin salatu nahi duten hori udalek hartu beharreko erabakia dela. Aramaioko Udal Gobernuak eguaztenean aurkeztu zuen oso bilkuran onartu zedin, errekurtsoa aurkeztearen aldeko mozioa. Udal Gobernua osatzen duten bost zinegotziek aldeko botoa eman zuten, baita EAko zinegotzi Andres Osinagak ere. EAJko zinegotzi bi abstenitu egin ziren; alderdi horretako hirugarren zinegotzia ez zen osoko bilkuran egon. Hori horrela, aldeko sei botorekin onartu zen mozioa.
Gipuzkoaren kasuan Pasaiako udala da Auzitegi Gorenean errekurtsoa aurkeztuko duena, udalbatzarrak onartzen badu, behintzat.