Auzitegi Nazionaleko epaile Baltasar Garzonek 2008ko otsailaren 8an egindako autoak Eusko Abertzale Ekintzaren ekintzak bertan behera uztea exijitzen du. Horri irtenbide bat topatzeko asmoz, EUDELek txosten bat bidali die Udalei jarraitu beharreko pausuen inguruko zenbait proposamen eginez. Txosten horrek proposatzen dituen irtenbideak ikusita Aramaion egindako azkeneko osoko bilkuran, aho batez onartu zen EAE udal taldearen ekintzak bertan behera uztea.
Udal zinegotzien parte-hartzea bermatzeko talde mistoa eratzea erabaki zen eta Asier Agirre, Joseba Jauregi, Martin Arriolabengoa, Jon Errasti eta Ainara Inuntziaga talde mistoko kide izatera pasatu dira; Baltasar Garzonen autoaren ondorioz talde barik gelditu dira-eta. Dena dela, talde mistoan egongo badira ere, ez dute talde modua jardungo, ez dute loturarik izango bata bestearekin eta bakarka jardungo dute.
Erabaki honen ondorioz, 2000ko apirilaren 12an Aramaioko Udalbatzak udal talde politikoen asignazioaren inguruan hartutako akordioa bertan behera uztea onartu zen azkeneko osoko bilkuran.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak