Dena dela, aurrerantzean ere herriko gazteekin harremanetan jarraituko du Udalak gazte lokalaren kudeaketa elkarlanean egiteko.
Azken asteotan pareta batzuk bota eta segurtasun neurriak hobetzeko hainbat lan egin dituzte. Leihoetan, esaterako, barrote batzuk ezarri dituzte gazteak leihoetan eseri ez daitezen. Margotze lanak gazteak eurak egingo dituzte eta garbitze lanak egiteko Udalaren laguntza izan dute.
Agirrek azaldu digunez Gazte lokalak bi gela izango ditu ; bat 18 urtera arteko gazteentzat eta bestea gazte sentitzen den edonori zuzendua, bilerak egin eta ekintza desberdinak antolatzeko.
Eskola inguruko lanak
Baina gazte lokala ez da izan udan Udalak landu duen gai bakarra. Udalbatzak inbertsio garrantzitsua egin du herriko eskola ingurua konpontzeko. Uztaileko azkeneko osoko bilkuran onartu zen lan hauek egiteko inbertsio.
63.000 euro inguruko kostua izan dute lanok.