Oraindik ikusteko dago finalean aramaioarren bat egongo den ala ez. Bi aramaioar aritu dira txapelketa honetan. Xabier Igoa da lehenengoa. Baina Laudioko saioan ez zen finalerako sailkatu eta, beraz, ez da Aramaioko saioan izango. Iker Agirre da beste aramaioarra; Agirrek zapatuan Agurainen dauka finalerako txartela lortzeko aukera. Finalean seguru egongo den aramaioarra gai jartzailea izango da: Lierni Altuna.