Administrazio orokorreko teknikari postua lortzeko azterketa bertan bera behera gelditu da oraingoz, behintzat. Azterketara aurkeztutako hautagaien balorazioa egiteko eratutako epaimahaia ezeztatu egin behar izan du Udalak.
Izan ere, legeak dio epaimahai horretan ezin dela izendapen politikorik egon, ezta bitarteko funtzionariorik ere. Hori horrela zortzi mahaikideren izendapenak ezeztatu dituzte. Asier Agirre alkatea zen epaimahaiburua eta honek ere uko egin dio epaimahaiburu izateari Udalean duen kargua hautaketa politikoa delako.
Azterketa urriaren 16an ziren egitekotan eta 48 pertsonak eman zuten izena horretarako. Azterketa egin ahal izateko epaimahai berria eratu beharko dute lehenengo. Udaletik adierazi dute horrek bere denbora beharko duela eta web orrian emango dutela azterketarako hurrengo dataren berri.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak