Bainuetxera joateko izena emateko epea zabalik dute erretiratuek

Bainuetxera joan nahi duten Gizarte Segurantzako pentsiodunek ondorengo baldintzak bete beharko dituzte:

Erretiro eta ezintasuna dela-eta pentsiodun direnek baldintzarik gabe joateko aukera izango dute. Alarguntza edo bestelakoengatik pentsiodun direnek, berriz, 60 urtetik gora izan beharko dute. Eskaera egiteko gizarte-laguntzailearen udaletxeko bulegora jo besterik ez duzue.

Txandei dagokienez, irailetik abendura bitarteko hileetan joan nahi duzuenok, 2008ko maiatzaren 16ra arte duzue eskaera aurkezteko epea.

Hona hemen eskaera egiteko beharrezkoak izango dituzuen agiriak:

  • NANaren fotokopia.
  • Hilean jasotzen duzun pentsioaren zenbateko zehatza.
  • Gizarte Segurantzako afiliatu-zenbakia.
  • Medikuaren txostena (gizarte-laguntzaileari eman).

Honenbestez, jendaurrean jartzen da interesdunek horren berri izan dezaten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.