11:30ean hasiko da festa, herriko trikitilarien kalejirarekin. 12:00etan, herriko plazan, bertsolariek agurra egingo dute eta ondoren, Aramaioko Sagarzaleen Elkarteko lehendakariak hartuko du hitza. Txotx ofiziala, bestetik, Blanka Mendialduak egingo du aurten. Mendialdua Aramaioko eskolan irakasle izan da urte askoan eta aurten erretiratu egin da. Gainera, euskararen alde lan handia egin du eta egiten du. Txotxa eginda, sagardoa dastatzeko momentua etorriko da gero. Taloa eta herriko produktuekin egindako jakiak dastatzeko aukera ere egongo da. Bestetik, Hala Bedi irratiak zuzenean egingo du plazan bertan ordubeteko saioa.