Estatuko Fiskaltzak jarri du Aramaioko alkatearen aurkako salaketa. Fiskaltzaren arabera, iazko irailaren 28, 29 eta 30ean legez kanpoko erreferenduma egin zuten herrian, udal azpiegiturak baliatuta. Asier Agirre alkateak esan digu berak ez duela jakinarazpenik jaso. Salatu du albistea hedabideetan agertu izana berak ezer jakin aurretik eta estatuak hedabideak bere interesen alde erabili dituela. Agirrek esan du lasai dagoela eta ez dela damutzen AHTren gaineko inkesta egin izanaz.
2006an aramaioarrek 600 sinaduratik gora aurkeztu zituzten Udalean,
AHTri buruzko galdeketa egiteko eskatuz. Inkesta iazko maiatzeko udal
hauteskundeen egunean egitekoa zen Udala, baina Arabako Hauteskunde
Batzordearen debekuarengatik atzera egin zuen. Herritarrek
galdeketa aldarrikatzen jarraitu zutenez irailean eman
zuten iritzia. 673 herritarrek eman zuten AHTren gaineko iritzia irailean: kontrako
654 (%97) boto jaso zituzten, 10 (%1,48) aldeko eta 9 (%1,34) zuri.
Egozten dizkionak
Fiskaltzaren hitzetan, alkateak debekuari muzin egin eta inkesta
egitea erabaki zuen. Prebarikazioa, aginte judizialari desobedientzia
eta ondasun publikoak bidegabe erabiltzea egotzi dizkio.
ALBISTEAK MUGIKORREAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.