Bederatzi logotipo aurkeztu dira lehiaketara eta sarituak, Aratz Losadak, 250 euroko saria jasoko du. Bi maila bereiztu dira aurkeztutako lanak zabaltzerako orduan: helduak eta umeak. Helduen artean, 5 lan aurkeztu dira eta umeek, berriz, lau lan aurkeztu dituzte. Hori ikusita, irabazlea aukeratu ondoren erabaki zen umeen lan onena ere nolabait saritzea eta horrela 60 euroko balea eman zaio, Elkar dendetan gastatzeko. Horrela, Itziar Errastik eskuratu du bale hau, bere lana izan baita umeen artean onena.
Epaimahaia Euskara eta Hezkuntza Batzordeko kideak eta Arteman
enpresako Garbiñe Beitia, diseinu zuzendaria, eta Arantzazu Lagunilla,
komertzial arloko arduradunak osatu dute.
Otsailean estreinatu zen Haur Eskolako eraikuntzan jarriko da laster plaka bat logotipoarekin. Horretaz gain, aurrerantzean Masusta haur eskolako inpreso guztietan erabiliko da aipatutako logotipoa. Autorea izenari erreferentzia zuzena egiten saiatu da. Borobilek masusten forma sinbolikoari erreferentzia egiten diote. Era berean, borobil hauetako bakoitza, haur bat izan daiteke. Honekin, Masusta Haur eskolari alaitasuna eta dinamismoa ezaugarriak erantsi zaizkio.