Joan den astean egindako ezohiko osoko bilkuran, udalbatzak aho batez onartu zuen txostena, eta orain, Plan Orokorra lantzen diharduen enpresari helaraziko diote.
Udalak Aramaio "herri rural eta lasaia" izaten jarraitzea nahi du eta txostenean jasotzen da ezingo direla 100 etxebizitza berri baino gehiago eraiki. Auzoei dagokienez, berriz, erabaki dute ahalik eta gehienak landagune moduan mantendu nahi dituztela, etxebizitza gehiegi eraiki ez daitezen.
Plan Orokorrean jaso behar diren zenbait proiektu ere zehaztu dituzte txostenean: zaharren egoitza, suhiltzaile-etxea, parke berri bat, araztegia edo district heating azpiegitura. Azken horrek posible egingo du egurra erreta lortutako energia herri guztian zehar banatzea.
Plan Orokorrean jasoko diren zenbait proiektu
Edateko ur depositua
Hondakin-uren araztegia
Errepide berriak
Parkea
Suhiltzaile-etxea
Zaharren egoitza (erresidentzia)
Eskola eremuaren zabaltzea
'District heating' azpiegitura
Gasa sortze azpiegiturak
Ur-jausiendako azpiegiturak
Heliportua