Aramaioarrek ezingo dute Biltzar Nagusietan bizi duten egoeraren berri eman

Arabako Biltzar Nagusietan Aramaio izan zuten atzo hizpide. Talde mistoak egin zituen atzo bi eskaera Biltzar Nagusietan. Aramaioarrek nahi dute diputatuek errepidearen egoerak herrian sortu dituen arazoak ere kontuan hartzea. Hau da, ez mugatzea soilik errepidearen egoerara. Atzera bota zituzten atzo helburu horrekin egindako bi eskaerak.

Alde batetik Biltzar Nagusietan Asier Agirre alkatearen azalpenak entzuteko eskaera egin zuen talde mistoak. Bestetik, Aramaio Zainduz elkarteak esateko dituenak ere entzuteko eskaera egin zuen.

Biak bota zituzten atzera. Sozialisten, popularren eta jeltzaleen aurkako botoekin bota zituzten atzera bi eskaerok.

Aramaioko alkate Asier Agirrek lotsagarritzat jo du hiru alderdi horien jarrera.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.