Elkarteko kideek kuota bat ordaintzen dute hilero, baina hori ez da nahikoa. Horregatik, dirua batzeko asmoz, oraingoan izarrak ezagutzeko tailerra antolatu dute. Bi irteera egingo dituzte; lehenengoa ekainaren 6an eta bigarrena irailaren 26an. Jesus Arregi Euskal Herriko Unibertsitateko fisikako irakasleak izango dute gidari irteera horietan.
Bi irteera hauek egiteko 30 euro ordaindu beharko dira. Baina izango da oparirik ere; ikastaroan parte hartzen dutenei planisferio bat emango zaie, urte guztian zehar izarrak ikusi eta aztertu ahal izateko. Etxe beretik pertsona bat baino gehiago joaten bada, gainera, denek ez dituzte 30 euro ordaindu beharko. Planisferi bakarra emango da familia bakoitzeko. Horregatik pertsona bakarrak ordaindu beharko ditu 30 euro, gainontzekoek 15 euro besterik ez dituzte ordaindu beharko. Aramaio Zainduz elkarteak Euskadiko Kutxan daukan kontuan egin beharko da ordainketa.