Arabako Dantzarien Biltzarrak bertako dantzen erakustaldia egingo du Aramaion hilaren 24an

Arabako Dantzarien Biltzarrak urtero dantza erakustaldian egiten ditu Araban zehar. Aurten euskal dantzen edo bertako dantzen erakustaldia Aramaion egitea erabaki dute; hori horrela Arabako Dantzarien Biltzarrak eta Aramaioko Udalak ekitaldia berezia antolatu dute irailaren 24rako, zapatua.

Aramaioarrek gainera, badute bertakoa den euskal dantza: txakolin dantza, hain justu ere. Horixe izan da aurten erakustaldia Aramaion egitearen arrazoietako bat. Arabako herri askotako dantza taldeak etorriko dira eta, nola ez, Aramaioko Lagun Artea dantza taldeak ere hartuko du parte. Anfitrio lanak ederki egin behar dituzte gainera; adin ezberdinetako hiru talde osatu dituzte eta azken 50 urteetan dantza taldean ibili diren aramaioarrak batzea eta erakustaldian parte hartzea lortu dute. 

 

18:00etan kalejira egingo dute Ibarrako kaleetan zehar eta erakustaldia 18:30ean egingo dute herriko plazan. Eguraldiak laguntzen ez badu kiroldegian egingo dute erakustaldia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.