Krisi ekonomikoa dela-eta udalek pasa den urtean Diputazioetatik (Toki Erakundeen Finantziazio Fondotik) jasotako diru-laguntzen zati bat itzuli egin behar izan dute aurten. Arabako udalen kasuan jasotako diruaren %5 itzuli behar izan dute. Aramaioko Udalak, esate baterako, 131.000 euro inguru itzuli behar izan ditu. Dirua itzultzeaz gain, bestetik, Diputaziotik iragarri zuten 2009an diru-laguntzak ere murriztu egingo zirela; hasiera batean adierazi zuten laguntzen%100 eman beharrean %95 emango zutela, baina, era berean azaldu zuten balitekeela laguntzak gehiago jaistea.
Arabako Foru Aldundiak pasa den astean publiko egindako prentsa ohar baten arabera, badirudi, azkenean ere %95ean mantenduko dela udalei emango dien diru-laguntza. Gainera, datozen urteetarako bermatuta geratuko da udalek ez diotela Arabako Aldundiari dirurik bueltatu beharko. Diputazioak publiko egindako prentsa oharrak honakoa dio: "Dirubilketak izandako beherakada eta gero, herri arabarrek dirua itzuli beharra ez izatea lortu du Aldundiak. Gainera, urtetik urtera Toki Erakundeen Finantziazio Fondoaren %95 bermatuko zaie".
Aramaioko Udalarekin harremanetan ipinita, azaldu digute oraindik ere ez dutela Foru Aldunditik onartutako neurri berri horren gaineko jakinarazpenik jaso.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak