Horrez gain, urtaro bakoitzeko argazki onenaren saria ere banatu dute: udazkeneko saria Mari Carmen Carridok irabazi du, udakoa Goiatz Burgik, negukoa Itsaso Lopez de Bergarak eta udaberrikoa Igor Aiastuik. Azken lau horiek 100 euroko saria jaso dute.
'Anboto'
Jose Angel Isasi lehiaketara aurkezten den lehenengo aldia da; argazkilaritzarako zaletasuna dauka eta argi zeukan lortu nahi zuena: "Anboto antzean azalduta argazki polita atera nahi nuen eta harizti horrekin topo egin nuen. Haritz amerikarrak dira eta udazkenean oso politak egoten dira", dio irabazleak.
Parte-hartze handia
Argazki lehiaketako arduradunak pozik daude aurten lortutako erantzunarekin. Sekula baino argazki gehiago aurkeztu dira.