Alaiak elkartekoak Gernikara joango dira hilaren 27an

Izena emateko epea zabalik dago. Gernikara joan nahi dutenek 30 euro ordaindu beharko dituzte Euskadiko Kutxan hilaren 22a baino lehen. Gernika aldera 09:00etan abiatuko dira eta frontoian elkartuko dira guztiak autobusa hartzeko.

Elizondora irteera egin berri dute, baina, Alaiak elkarteko erretiratuak dagoeneko hurrengo txangora begira daude. Urriaren 27an Gernikara joango dira.

Gernikako azoka

Gernikan, urriaren azkeneko astelehenean, urtero egiten duten azoka ospatuko dute urriaren 27an. Alaiak elkartekoek, beraz, azoka ikusteko aukera izango dute; ganadua ikusi, barazkiak erosi eta taloa eta txorizoa jan. Azoka bisitatu ostean Oletara joango dira eta bertan bazkalduko dute. Erretiratuak irteeran parte hartzera animatu nahi dituzte Alaiak elkartekoek, oso ondo pasatuko dutela-eta. 
Elkarteak  jakinarazi du, baina, txangora joaten ez direnei ez zaiela dirua bueltatuko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.