Fiskaltzaren arabera, legez kanpoko erreferenduma egin zuten Aramaion, horretarako, udal azpiegiturak erabilita. Horrelako galdeketa egiteko Espainiako Estatuko Gobernuaren baimena beharrezkoa dela dio Fiskaltzak. Prebarikazioa, aginte judizialari desobedientzia eta ondasun publikoak bidegabe erabiltzea egotzi dizkio Fiskaltzak Asier Agirreri.
Gaur, astelehena, 10:00etan, zuen hitzordua Gasteizko Justizia Jauregian, eta bi orduz deklaratu du, Iñigo Iruin abokatuarekin. Segidan, deklarazioa hartu diote garai hartan udaleko idazkaria zen Txaro Saenz de Viteriri ere.
Irteeran, Aramaioko alkateak esan du oso galdeketa zorrotza izan dela Espainiako Estatuko Fiskaltzarena. Bere ustez, EAEren kontrako neurri bat gehiago da hau.