Aramaioko Udalak, astelehenean, Espainiako Ingurumen Ministeriotik eskutitz bat jaso zuen. Bertan azaltzen da Aramaio zeharkatuko duen 400 kilowattioko linea elektrikoa sartu nahi dutela; Olaeta auzotik sartuko litzateke Aramaiora eta Suña auzoan irten, herria zeharkatuz. Gueñesetik (Bizkaia) Ezkio-Itsasora (Gipuzkoa) joango den linea elektrikoa da.
Ingurumen Ministerioak aurkeztutako proiektuaren arabera 46 metro inguruko zutabeak eraiki beharko dira eta 40 metro inguruko zabalera izango duen bidea ireki linea elektrikoa bertan sartzeko.
Aramaioko Udalak ezustean hartu du berria, eskutitz horren bitartez izan dute-eta, lehenengo aldiz, proiektu horren berri. Asier Agirre alkateak azaldu du proiektua "zorakeria" bat iruditzen zaiola. Gaineratu du, hasteko eta behin, ministerioari informazio gehiago exijituko diotela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak