Eguraldi ezin hobea izan zuten barikuan eskolako umeek Zuhaitz Eguna ospatzeko: zerua urdin-urdin eta tenperatura benetan ederra. Goizean goiz autobusa hartu eta San Adrianera joan ziren lehenengo eta seigarren maila bitarteko ikasleak.
Danborralden lan polita zeukaten egiteko: zuhaitzak landatu. Guztira, 40 zuhaitz inguru landatu zituzten: pagoak, gorostiak eta haritzak. Zeregin horretan Udaleko ordezkarien eta Urkiola parkeko monitoreen laguntza izan zuten. Baina atsedenerako tartea ere izan zuten; izan ere, Udaleko ordezkariek hamarretako goxoa eroan zieten ikasleei, egindako lana eskertzeko.
Eguaztenean txikien txanda
Eskolako txikitxoenek, berriz, eguaztenean, martxoak 18, ospatuko dute Zuhaitz Eguna. Kasu horretan, ez dute mendira irteerarik egingo; herrian bertan egingo dituzte landaketak. 09:15ean hasiko dute euren lana eta eskulanak ere egingo dituzte Zuhaitz Eguna ospatzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
