Hain zuzen ere, 17:30ean, Trikitixa Taldekoek kalejira egingo dute Ibarrako kaleetan. Gero, 18:00etan hasita, erromeria izango da plazan. Berezia izango da, eskolaren 10. urteurrena ospatzeko. Hori horrela, Xabier Aranburu eta Rakel Pujana trikitilariak gonbidatu dituzte erromeriara, aramaioarren hankak dantzan ipin ditzaten.
Buzkantzak eta txorizoak
Bien bitartean, eta urteroko ohiturari jarraituz, buzkantzak eta txorizoak banatuko dituzte, doan, Bizente Goikoetxea plazan daudenen artean. Eta bukatzeko, 19:00etan, azken asteotan saltzen ibili diren errifen irabazleak zeintzuk diren jakiteko zozketa egingo dute plazan bertan. Hain zuzen ere, hiru sari opari egingo dituzte: hiru baserri turismotan aste bukaera bana.