Abiadura handiko trenaren obrak hasi dira Araban. AHTren ibilbideak Aramaio zeharkatzen du eta bertako hainbat auzo eta baserritan eragin zuzena izango du. Aramaio zeharkatuko duen bide-tartearen lanak laster esleituko dira, baina herritarrei euren iritzia ukatu zaiela uste du Aramaioko herritar talde batek eta hori salatu nahi izan zuten atzo.
Mozioa Osoko Bilkuran eztabaidatzeko
Hori dela eta herri kontsulta baten eskubidea aldarrikatu nahi izan du aramaioar talde horrek. Horretarako sinadurak biltzen ibili dira Aramaioko auzo ezberdinetan, eta 657 herritarren babesa jaso dute. Euren izenean, mozio bat aurkeztu dute Aramaioko Udalak azaroaren 29ko Osoko Bilkuran eztabaidatu eta onar dezan.
Herritar talde horren esanetan ez dago aitzakiarik herri kontsulta bat ez antolatzeko, eta horregatik herritar guztiak gonbidatzen dituzte udaleko hurrengo Osoko Bilkuran parte hartzera.