Ohikoa den moduan, bi taldetan banatuko dituzte lehiakideak: 6 eta 14 urte bitartekoak batetik eta 15 urtetik gorakoak, bestetik. Eta lehiaketako sariak ere multzoen arabera banatuko dituzte. Honako hauek,: 6 eta 14 urte bitartekoen artean, lehenengoak 75 euro irabaziko ditu, bigarrenak 50 eta hirugarrenak 30. Horrez gainera, aurreneko biek garaikurra ere eramango dute etxera. Eta 15 urtetik gorakoen artean, lehenengoak 90 euro irabaziko ditu, bigarrenak 75 eta hirugarrenak 50. Hemen ere garaikurra izango da aurreneko biendako.
Antzarraren Jokoa
Bestalde, aurreneko aldiz, Partxis lehiaketarekin batera, Antzarraren Jokoa ere egin gura dute Txirritolakoek. Partxisean moduan, Antzarraren Jokoan den-dena euskaraz egin beharko dute jokalariek: kontaketak, esan beharreko esaldiak eta jokoak eskatzen duen guztia.
Kasu honetan ez da aldez aurretik izena eman behar.