AHTren kontrako agerraldia deitu dute egubakoitzerako

Abiadura handiko Trenaren aurkako taldekoek jakitera eman dutenez, urriaren 27rako kale agerraldia deitu dute: 19:00etan egingo dute, plazan. Bilkura eta gero, DVD emanaldia egingo dute.

DVDaren bitartez erakutsiko dute zela Italian lortu duten Abiadura Handiko Trenaren obra bat geraraztea, herritarren mobilizazioen bitartez. DVDa Sastiñan emango dute.

Horrekin batera, trenaren kontrako sinadurak batzen dihardutela ere ekarri dute gogora. Hil honen amaierara arte jarraituko dute sinadurok batzen, asteon egindako batzarrean hala erabaki dutelako. Hain justu, Erretiratuen Egunaren ostera arte -urriaren 29a- jarraituko dute sinadurok batzen. Asmoa da sinadurok azaro hasieran udaletxera eroatea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.