Aramaioko oinarrizko gizarte zerbitzuen gaineko hitzaldiarekin hasiko dute aurtengo Aste Kulturala. Hitzaldia etzi, eguaztena, izango da, 17:00etan, kultura etxean.
Susana Martinezek egingo du berba; Martinez udaletxean dagoen gizarte laguntzailea da eta baita Zuia Koadrilakoa ere. Alaiak Erretiratu eta Pentsiodunen Elkarteak antolatu du eta euren asmoa da herriko erretiratu eta pentsiodunek Aramaioko oinarrizko gizarte zerbitzuaren gainean dituzten zalantzak argitzea. Antolatzaileek nahi dute, baita ere, herritarrek ekarpenak egitea herrian zer nahiko luketen jakiteko.