Laster bota egingo dute iturri ondoko etxe txikia

Errekaren beste aldean, Iturrostetik Olabetxorainoko eremuan, hamaika etxebizitza eraiki behar ditu Promociones Aramaixo enpresak; lauko blokeak izango dira, etxe elkarri atxikiak. Hala, etxe horietara iritsi ahal izateko sarbidea egokitu behar dute, erdiguneko biribilgunearen ondotik. Eta hori gauzatu ahal izateko bota behar dute iturri ondoko etxea.

Hain justu, Udalak dagoeneko eman die etxea botatzeko baimena.

Data barik

Dena den, Promociones Aramaixo enpresatik jakinarazi digute oraindik ez dutela datarik zehaztu, ez etxea botatzeko ezta etxe berriak eraikitzen hasteko ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.