12:00etan meza egin zuten ermitan. Mezaren ostean, jende ugari hurbildu zen elkartekoek jarritako txosnara, txorizoa eta salda dastatzera.
Aurten, herriko dantzariak beharrean, erromeria egon da Gardoki taldearekin mezaren ostean. Taldeak euskal kantuekin girotu zuen festa. Eta 14:00etan bazkaria egin zuten elkartean Gure Aterpea elkarteko bazkideek.
Gure Aterpea elkarteak antolatzen du urteroko festa, Jabier Arriaran elkarteko presidenteak azaldu zigun bezala: "Elkarteko bazkideok antolatzen dugu jaia, elkartea eraiki zela ospatzen dugu-eta. Horregatik bazkideok egiten dugu lan, urtero batzuek. Badaude urtero tabernari ibiltzen direnak ere. Kobratu gabe, baina gustura ibiltzen gara lanean!", adierazi zuen Arriaranek. "Aurten jende gutxiago etorri dela uste dut, leku askotan dira-eta jaiak egun hauetan...", zioen.
Arratsaldean gehiago
Arratsaldean, Gardoki taldearen erromeriak jarraitu zuen giroa alaitzen eta 18:00ak aldean Gorritiren animaliekin umeentzako jolasak izan ziren ermita ondoko zelaietan.