Aramaioko V. Uda Ikastaroa: "Euskal Herria, 1789-1848. Historia, hizkuntza, artea"

Usoa Agirre 2006ko eka. 7a, 10:24

Uztailaren 3tik 6ra bitartean egingo da ikastaroa kultura etxean. Izena emateko epea zabalik dago. Arabako Foru Aldundiko Kultura Sailak eta Aramaioko Udalak, EHUren babespean, antolatu dute.

Arratsaldez, 16:00etatik 20:00etara izango dira hitzaldiak.

Euskal Herriarentzat hain erabakigarria izan zen garai horren ikuspegi zabala eskaintzea da ikastaroaren helburua.
Hamalau adituk hitz egingo dute eta edozein entzule joan daiteke.
Ibarrako (Aramaio) kultura etxean izango dira hitzaldiak. Bataz beste 50 minutu iraungo dute. Arratsaldero, hitzaldien ondoren, mahai-inguru bat izango da eguneko hizlariekin.
Unibertsitateko ikasleek kreditu akademiko ofizialak eskuratu ahal dituzte. Partaidetza egiaztagiriak ere emango dira.

Egitarau osoa duzue hemen.