Dulantziko antzoki berrian zuten hitzordua, eta entzule gutxi elkartu arren, bertaratutakoak gustura izan ziren.
Saioko irabazlea Juan Mari Juaristi izan zen, 284 puntu eskuratuta. Saioa gorabehera askorik gabe egin zuen eta erregulartasunak eman zion finalerako txartela. Haren atzetik sailkatu ziren, hurrenez hurren, Oihane Perea, Iñaki Viñaspre, Ruben Sanchez, Alberto Martinez Beitto eta Andere Arriolabengoa. Aramaioarrak urduri hasi zuen saioa, eta, bakarka lan polita egin arren, sailkapenean atzera geratu zen.
Finala
Bi finalaurrekoak jokatuta, hauexek dira hilaren 27an Gasteizen jokatuko den finalerako sailkatu diren sei bertsolariak: Zigor Enbeita, Asier Otamendi, Juan Mari Juaristi, Oihane Perea, Iñaki Viñaspre eta Aramaioko Manex Agirre.