Egunotan dabiltza Aramaioko zenbait etxebizitzatan sistema berria ipintzen. Udalaren asmoa da udaletxeko ordenagailutik, Internet erabilita, aramaioarren etxeetako argi-kontagailuak irakurri ahal izatea.
Halaxe jakinarazi digute Aramaioko Argindar Banatzailea udal zerbitzutik.
Argi-kontagailuen irakurketa egingo dute Udalaren webgunearen bitartez (aramaio.org).
Bestalde, Udalak irakurketa egiten duen moduan, sistema horren bitartez erabiltzaile bakoitzak ere egin ahal izango du irakurketa. Kontsultatu ahal izango du, esaterako, egunez egun izan duen argindarren gastua.
Berrogei etxebizitzatan frogatuko dute sistema hori. 18rekin hasi dira, eta oraingoz, sistema ondo dabilela esan digute.
Gure ibarrean, Aramaion eta Oñatin dabiltza sistema berritzaile hori ipintzen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak