Udalekuetan izena emateko epea zabaldu du Udalak

Maiatzaren 12ra arte eman daiteke izena aurtengo udalekuetarako. Deia da umeendako zein udalekuetan begirale moduan jardun nahi dutenendako.

Udalak antolatzen dituen udalekuak dira uztailaren 5etik 18ra bitartean, biak barne, 10:00etatik 13:00etara. 3 eta 12 urteko umeei zuzendutakoak dira. Prezioa da 36 euro eta auzoetan bizi diren umeen joan-etorrirako garraioa ipiniko du Udalak.

Begiraleak

Bestalde, udaleku beretan begirale izan nahi duenak ere eman dezake izena, maiatzaren 12a baino lehen. Derrigorrezko baldintza da 16 urtetik gorakoa izatea. Bestalde, Udalak bestelako ezaugarriak baloratuko ditu, esaterako, umeekin esperientzia izatea edo Aramaiokoa izatea. Edozelan ere, edozeinek eman dezake izena.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.