Gutxieneko soldatara iristeko laguntzak emango dituzte

Gutxieneko soldata (511 euro) baino pentsio txikiagoa jasotzen dutenei laguntza emango die Diputazioak. Edozein motatako pentsioa jasotzen dutenendako deia da. Pertsona horien bizi kalitatea hobetzea da helburua.

Laguntza mota horiek eskuratzeko deia iazko azaroa inguruan argitaratu zuten, baina baldintzetan zenbait aldaketa egin dituztela-eta, berriro egin dute deialdia. Hala, apirilaren 23a arte dago orain laguntzak eskatzeko. Aramaioko Udalera jo beharra dago.

Baldintzak

  • 2005ean gutxieneko soldata baino pentsio txikiagoa kobratzea.

  • Arabako udalerriren batean erroldatuta egotea eskaera aurkeztu aurreko 12 hilabeteetan.
  • 45 urte beteta izatea 2005eko abenduaren 31rako.

Diputazioak urtean 100 eta 600 euro arteko paga bakarrean emango du dagokiona.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.