Martitzenean zabaldu zuten liburutegiko erakusketa San Martin Eskolakoek. Egurrez egindako tresnak etxetik ekarri eta azalpentxo batek lagunduta ipini dituzte: sukaldeko tresnak, jostailuak, atzerritik ekarritakoak, bastoiak Hala, gelaka banatuta, eskolako ikasle guztiek ikusi dute asteon. Gurasoendako ere zabaldu dute erakusketa, eguaztenean, eta gaur barikua, arratsaldean.
Erakusketaz gainera, eta kasu horretan ere taldeka banatuta, zuhaitzak landatu dituzte ikasleek Andra Marin eta kanposantu zaharrean: haritzak, astigarrak eta pentsamenduak, besteak beste.
Eta borobiltzeko, hiru aditu joan zaizkie eskolara hitzaldiak egitera: Jesus Mari Elexalde eta Santi Elexalde aramaioarrak, batetik, eta Jabier Mugurutza idazlea, bestetik.