Jatorrizko izenburua: Tim Burton's Corpse Bride
Zuzendariak: Tim Burton eta Mike Johnson.
Herrialdea: AEBak.
Urtea: 2005.
Generoa: Animazioa.
Adina: 7 urtetik gorakoentzat.
Iraupena: 76 min.
Laburpena: Victor eta Victoria gazte lotsatiak herri txiki batean bizi dira eta ez dute elkar ezagutzen. Victor familia aberatsekoa da, baina bere senideak ez dira inoiz herriko aristokraziaren zirkuluetan egon. Victoriaren familia, berriz, gizarte-maila altukoen giroan murgilduta bizi da, baina aberastasunak agortuta dituzte honezkero. Bien gurasoek, euren egoera hobetu nahian, seme-alaben arteko ezkontza hitzartuko dute orduan, batzuek gizarte-maila igotzeko eta besteek dirua lortzeko. Victorrek, baina, Emaztegai Hilotzari emango dio ezkon-hitza nahi gabe, basoan bere ezkontzarako entseatzen ari dela.