Hiru mailatan sailkatuko dituzte lanak:
1. Lehenengo Hezkuntzako (LH) bigarren zikloa.
2. LHko hirugarren zikloa.
3. DBH osoa.
Sariak ere hala banatuko dituzte: aurreneko bi mailetan, irabazleari 90 euro emango dizkiote, Gasteizko Arriaga kultur dendan gastatzeko; eta bigarrenari, 60 euro, gauza bererako. DBHkoen mailan, berriz, lehenengoari 140 euro emango dizkiote eta bigarrenari 100 euro.
Parte hartzera animatu
Txirritolakoek esan digutenez, iaz jende gutxik parte hartu zuen ipuin lehiaketan. Hala, aurten eskolakoekin berba egin dute, haietako batzuen parte-hartzera, behintzat, bultzatzeko. Eta, oro har, gainontzeko herritarrak ere animatu nahi dituzte honako leloarekin: Zu zara originalena, konta ezazu zure ipuina.