Etxebidek argitaratutako zerrenda behin-behinekoa da. Izan ere, baliteke zerrendako norbaitek uko egitea tokatu zaion etxeari. Kasu horretan, pertsona horrek duen zenbakiaren hurrengoari emango dio Etxebidek etxea. Zerrenda ikusteko, hemen klikatu
Esandako moduan, zozketatu behar zituzten 44 etxebizitzetatik bi hutsik geratu dira. Zailtasunak dituztenendako kupoko etxebizitzak dira biak. Aramaioko Udaletik jakinarazi digutenez, orain, inguruko eskaeren artean begiratuko dute Etxebidekoek, bi etxebizitza horiek adjudikatzeko.
Bestalde, zozketaren emaitzen portzentajeak ere jakinarazi ditu Etxebidek: etxebizitza jasoko duten %61,90 Aramaiokoak dira (26 lagun); Aretxabaletakoak, berriz, %28,57 (12 lagun) eta Eskoriatzakoak %9,52 (lau lagun).