Euskaltzain urgazle Patxi Uribarren aramaioarrak Eskola Hiztegi -irudiduna-ren (1991) oinordekoa aurkeztuko du Aramaion: Eskola Hiztegia, Adorez 5.
Lehengo hiztegiarekin alderatuz gero, sarrera gehiago ditu eta oinarrizko hiztegi baten ezaugarriak ditu zeharo eguneratuta eta berriztatuta. Hala adierazi du Patxi Uribarrenek berak euskararen gaineko erabili.com webgunean. Eskolarako hiztegia dela dio: Euskararen irakaskuntzari (haur/ haur-gazteei nahiz adinekoenari) begira eginiko oinarrizko euskal hiztegia. Hori horrela izanda, definizio errazak eta hitz-sarrera erabilienak landu dituzte Eskola Hiztegian.
Erabiltzaileei dagokienez, euskara ikasten edo sakontzen ari diren haur/ume-gazte-adineko guztiei zuzendutako tresna da.
Euskalkiak eta irudiak
Hiztegiak batzen dituen elementuen artean, aipatzekoa da, esaterako, euskalkietako zenbait berba batu dituela: Euskaltzaindiak euskalkiei aipamen berezia egiten dien kasuetan, euskalkietako hitzik ugarienei lekua egiten saiatu gara.
Lehen esandako moduan, Patxi Uribarren euskaltzain urgazleak aurkeztuko du hiztegia Aramaion, hura da-eta Adorez hiztegietako koordinatzailea.