Barajuenen bizi den Jose Luis Zalakain margolariaren lanak Oñatiko kultura etxean daude ikusgai. Hain zuzen ere, urriaren 27tik azaroaren 10era arte izango da erakusketa. Ricardo Azkargorta bergararraren margolanekin batera izango dira Zalakainenak.
Azken bi urteotan egindako margolanak ipiniko ditu Oñatiko erakusketan Jose Luis Zalakainek, 14 bat guztira. Horien artean, sei bat-edo Oñatiren gainekoak dira: unibertsitatea, elizak, Arantzazu
azaltzen dira. Gainerako margolanetan, berriz, ohiko gaiak lantzen ditu, natura hilak-eta. Margolariak adierazi digu oro har, nahiko errealistak direla erakutsiko dituen lan guztiak.
Lekua, egunak eta orduak
Santa Marina kalean dago Oñatiko kultura etxeko erakusketa gela. Astelehenetik barikura 18:30etik 20:30ak arte izango da zabalik. Zapatu eta domeketan, berriz, 18:30etik 20:30ak arte.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak