San Martin Eskolan ekin diote ikasturte berriari

Joan den eguenean, hilak 8, estreinatu zuten San Martin Eskolan aurtengo ikasturtea. Orain, goizez bakarrik dabiltza neska-mutikoak. Astelehenetik aurrera hasiko dira goizez eta arratsaldez.

Ehun eta hogeita bost neska-mutiko matrikulatu dira aurten San Martin Eskolan, 55 neska eta 70 mutiko. Horien artean, hiru ikasle berri badira, Aramaiora bizitzera etorri direnak. Bi urtekoei dagokienez, berriz, aurten 12 matrikulatu dira eta datorren astean hasiko dira eskolan, adaptazioa egiten. Eta irakasleei dagokienez, 16 dira, berriak bost, horien artean, gehienak Arrasatekoak.

Zuzendari berria

Bestalde, Blanka Mendialdua aukeratu dute aurtengo ikasturterako zuzendari. Hark adierazi digunez, aurten landuko duten proiektua bizikidetza (elkarrekin bizitzea) da. Horrekin batera, IKT programan ere sakonduko dute: Informatikaren eta Komunikazioaren Teknologia. Oro har, ordenagailuen erabilpena ikasleei erakustea da IKT.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.