Haur Hezkuntzako bigarren zikloan, Lehen Hezkuntzan eta Derrigorrezko Bigarren Hezkuntzan nahitaez erabili beharreko liburuak erosteko laguntzak ematen ditu Diputazioak. Bi baldintza bete behar dira haiek eskatzeko: eskatzailea (ikaslea) matrikulatuta egotea lehen esandako mailaren baten eta Araban erroldatuta izatea.
Eskaerak hiru lekutan egin daitezke: Ogasun, Finantza eta Aurrekontu Sailak Gasteizko Samaniego kaleko 14 zenbakian duen bulegoan edo sailak Laudion eta Guardian (Biasteri) dituen bulegoetan.
Laguntzen zenbatekoa
Laguntzak onartuz gero, Haur Hezkuntzako bigarren zikloko mailetarako, gehienez, 44,12 euro emango ditu Diputazioak; Lehen Hezkuntzako zikloko mailetarako, 71,82 euro eta Derrigorrezko Bigarren Hezkuntzako mailetarako, berriz, 110, 81 euro. Informazio gehiagorako: 945 18 16 02 telefonora deitu edo librosdetexto@alava.net-en begiratu.