Lehenengo, salda beroa banatuko diete kofradiako kideei; 12:00ak inguruan izango da hori. Horren ostean, meza esango du Emilio parrokoak, 13:00etan. Eta ohi duten moduan, meza ostean urteroko batzar nagusia egingo dute kideek. Honako gai zerrenda dute aurreikusita: joan den ikasturtean egindakoaren berri eman; aurtengo ikasturterako dituzten asmoen berri eman (besteak beste, parkeko pareta bat konpondu beharrean dago) eta kofradiara etorri diren bazkide berrien zein hil diren bazkideen berri eman.
Hori egin ostean, ermitaren goiko aldean dagoen aretoan bazkaria egingo dute bazkideek. 14:30ak inguruan izango da hori eta dagoeneko 75 lagunek eman dute izena.