Pare bat astean itxita izan eta gero, uztailean bertan zabaldu zituen Udalak gazte-lokalak. Oraindik lokalekin lotutako gai asko dituzte argitzeko Udalak eta gazteek; esaterako, lokalen garbitasuna edo lokalen arduradunak zehaztea. Bide horretan, batzarrak egiten dihardute.
Alkateak esan digu Aramaioko gazte taldeak ondo funtzionatzen duen arren, ez dutela asmatu, ez Udalak ez gazteek, gazte-lokalen funtzionamendu egokiarekin. Hala, lokalek ondo funtziona dezaten eta bestelako arazorik gerta ez dadin, Udala eta gazteak batzarrak egiten hasi ziren opor aurretik; eta oporren ostean, bide horretan segituko dute.
Gazteen problematika aztergai
Bestalde, gazteekin lotuta, alkateak jakinarazi digu Zuiako Koadrila gazteen problematika aztertzen ibili dela herriz herri, baita Aramaion ere. Orain, emaitzak eskuartean, asmoa da Udaleko ordezkariak eta gazteek mahai bat eratzea atzemandako gabeziei aurre egiten hasteko. Irailean bertan hasiko dira lanean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak