Laugarren urtez antolatuko du Aramaioko Azpikoracing taldeak rallysprinta. Aurten, gainera, joan den urtean baino lasterkari gehiago izango dira, eta hainbat kategoriatan izango den lehia estuak ikusgarritasunaren alde egingo du. Astean zehar izan gara antolatzaileekin; dagoeneko hasi dira motorrak berotzen.
Zapatuan, 15:30etik aurrera hasiko dira lasterkariak automobilei egurra ematen, eta guztira hiru txanda egingo dituzte. Aurten, baina, norabide berdinean egingo dituzte txanda guztiak.
Punta-puntako pilotuek egingo dute Arrixolatik gora. Santi Artetxe da faboritoa, eta bere automobila gainontzekoak baino maila bat gorago badago ere, (Peugeot 206 WRC), izango du kontrariorik (Mitsubishi EVO, Ibiza Kit-car, Escort Cosworth...).
Debagoieneko bi ordezkari izango dira biharko lasterketan. Haritz Errasti eta Ander Oion aramaioarrak izango dira euren Citroen AX Sport-ean, eta Garagartzako Orobengoa anaiak Seat Ibiza GT TDI berrian.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak