Otxandion Santamaña jaiak, bederatzi egunez

Bederatzi egunetako jaiak antolatu dituzte Otxandion, gaur, uztailaren 15ean hasi eta uztailaren 24ra arte. Aramaioar askok dute hango jaietan parte hartzeko ohitura eta ekintza ugari antolatu dituzte.

Uztailak 14, osteguna

Uztailak 14, osteguna

Gaueko 22:30ean, Markeline taldeak antzerkia egingo du eta 24:00etan, kontzertua izango da gaztetxean, Xopapo eta Kung Funk taldeekin.

Uztailak 15, ostirala

Besteak beste, plater tiro txapelketa egingo dute, 10:00etan. Gauean, berriz, danborrada egingo dute, 21:05ean eta 23:30ean, kontzertua , Drindots eta Las Desmaskaradas taldeekin.

Uztailak 17, igandea

Domekan, bestelakoen artean, 18:00etan haur antzerkia egingo du Kukubiltxok, plaza nagusian. Eta gauean, Lisker taldearekin dantzaldia izango da, 23:30ean.

Uztailak 18, astelehena

Astelehenari begiratuta, berriz, esaterako, 18:00etan, pilota partidu ikusgarriak jokatuko dituzte Otxandioko zenbait pilotarik. Eta 23:30ean, Joselu Anaiak arduratuko dira plazako giroa berotzen.

Uztailak 19, asteartea

Arrantza lehiaketa eta meza izango dira goizean eta pilota partiduak arratsaldean.

Uztailak 20, asteazkena

Transgenikoen gaineko mahai-ingurua, gaztetxean, 19:30ean.

Uztailak 22, ostirala

Arratsaldeko 20:00etan Oihandi abesbatzaren kontzertua, Santa Marina elizan.

Uztailaren 23, larunbata

Eta halako egitarau mardularekin bukatzeko, uztailaren 23an, zapatuan, eguerdi partera arte giro herrikoia izango da, Otxandioko bandarekin, txistulariekin, bertsolariekin, bolo txapelketarekin… eta ilunkeratik aurrera, berriz, musika barra-barra: 19:30ean, Los Pasajeros taldearen saioa plazan; 22:30ean, Suaren Soinua, suzko malabarismo eta perkusio ikuskizuna Jo Tta Kun eta Gas taldearen eskutik; 24:00etan Betagarriren kontzertua eta ondoren, Tukan taldearekin dantzaldia.

Uztailak 24, igandea

Bukatzeko, besteak beste, sokamuturra izango da, 08:00etan eta 17:30ean orotariko herri kirolak: Harri-jasotzaile Txapeldunen liga; Urrezko Aizkolari Txapeldunen liga… Gauean, berriz, 23:30ean, Izotz taldearen kontzertua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.