Iaz, antzinako sukaldea muntatu zuten San Martin Eskolako ikasleek, nork bere etxetik antzinako sukaldeetako gauzak eramanda. Aurten, berriz, artzaintzarekin lotutako elementuak eraman dituzte eta erakusketa antolatu dute eskolan. Horrekin batera, artzaintzaren gaineko ekitaldiak egin dituzte egunotan.
Hala, joan den eguen eta barikuan gazta egin dute Oletako Felix artzainaren gidaritzapean. Eta bariku goizean transhumantzia zer den ikasteko aukera izan zuten. Felixek lagunduta, artaldea eraman zuten Zabolatik Kurtzetaraino.
Bukatzeko, astelehenean artzaintzaren gaineko berbaldia egingo du Felixek eskolako ikasleendako.