Programa eta oinarri arautzaileak:
Onuradunak eta eskaerak
Haur Hezkuntzako bigarren zikloko, Lehen Hezkuntzako edota Derrigorrezko Bigarren Hezkuntzako edozein ikasmailatan 2004-2005 ikasturterako matrikulatuta dagoen edozein ikasleren aitak, amak nahiz tutoreak, edo abegian edo tutoretzapean dituen pertsonak.
Ikasleek bete beharreko baldintzak
- Arabako Lurralde Historikoan erroldatuta egotea.
- Deialdiaren laugarren oinarrian adierazitako zikloetako ikasmailaren batean matrikulatuta.
Eskatzaileek aurkeztu beharreko dokumentuak
- Laguntza eskaera (Arabako Foru Aldundiko Kultura Sailak emandako inprimaki normalizatuan).
- Eskatzailearen nortasun agiriaren edo pasaportearen fotokopia.
- Familia liburuaren fotokopia.
- Ikaslearen erroldatze zedula, 2004an eguneratua.
- Ikaslearen 2004-2005 ikasturteko matrikularen ordainagiria edo matrikulatze egiaztagiria.
- Laguntza jaso dezaketen liburuen faktura originalak. Fakturan, gutxienez ere, eskatzailearen izena, liburuaren izenburua eta prezioa adierazi behar dira.
- Eskaera bakarra aurkeztu behar da, nahiz eta laguntza hauek jasotzeko eskubidea eman dezakeen ikasle bat baino gehiago izan eskatzaileak bere ardurapean.
Eskaerak aurkezteko epea eta tokia
- Eskaerak aurkezteko epea irailaren 1ean hasiko da, eta 2004ko urriaren 15ean bukatuko.
- Ogasun, Finantza eta Aurrekontu Sailak Vitoria-Gasteizko Samaniego Kaleko 14 duen bulegoan.
- Ogasun, Finantza eta Aurrekontu Sailak Laudion eta Laguardian dituen bulegoetan.