Pregoien irakurketarekin eta etxafuegoen jaurtiketarekin emango zaie hasiera jaiei, uztailaren 2an, 19:00etan. Poteoa, dantzaldia eta txosnetan kontzertua izango dira ondoren.
Uztailaren 3an, zapatuan, eguerdian hasi eta gauera arte antzerkia, tiro platoa, olinpiadak, sagardo poteoa eta musika izango dira Aramaion.
Hirugarren egunean, uztailaren 4an, eguerdiko mezaren ondoren dantzari eta trikitilariak egongo dira. Arratsaldean jolas parkea eta herri kirolak; gauean, berriz, bertso saioa izango da eta mariatxien emanaldia plazan.
Astelehenean emango zaie amaiera jaiei, umeendako jolasak eta meza izango dira goizean. Arratsaldean, koadrilen arteko jolasak, txaranga eta beste hainbat ekintza izango dira, gauen herri afariarekin eta musikarekin jaiei amaiera emateko.
Baina jaiek izango dute segida hurrengo zapatuan, uztailaren 10ean. Goizean zehar arrantza txapelketa egingo da.