Aurkeztu dute dagoeneko 2004ko Arabako Bertsolari Txapelketako finala; dena dago prest egun handirako:
-Bertsolarien hautaketa eginda: Asier Otamendi, Oihane Perea, Manex Agirre, Ruben Sanchez, Juan Mari Juaristi eta Iñaki Vinaspre.
-Plaza zehaztuta: Printzipal Antzokia.
-Data jarrita: Apirilak 25, domeka, 17:30tan.
-Sarrerak salgai: Arriaga Megadendan, Amaia Zentroan, Bagare Euskaltokian eta Printzipal Antzokian (egunean bertan, 15:00etatik aurrera). Salneurria: 6 euro (bazkide eta 16 urtetik beherakoentzako 3 euro).
Finalerdietan lortutako puntu kopuruaren arabera Asier Otamendi eta Oihane Perea dira txapela janzteko faborito nagusiak, eurek lortu zuten-eta puntu gehien. Manex Agirre ere ezin ordea albo batera utzi: «Aurten irabaztea da nire helburua», adierazi dio Manexek Goiena Telebistari. Ea ba!